Бүсгүйн гоо сайхан
Бүсгүй хүн гэдэг бүлээн зүрхний амьсгал
Бүлээн зүрхний амьсгал нь өөрийн гэсэн үнэртэй
Өөрийн гэсэн үнэр нь үргэлж хүнийг татна
Үргэлж хүнийг татах нь үзэсгэлэн төгсийх бизээ

Бүсгүйн гоо сайханд орчлон бүхлээрээ нялхарнам
Булбарам ялдам инээмсэглэл чамаар хүмүн дутнам

Сэрмүүн сайхан нутаг

Сэрвээ өндөр уулсийнхаа зоон нуруунд гарч
Сэвшээ сайхан нутгаа бахдан нэг харахсан
Сэлүүн сайхан агаараа дураар нэг залгилахсан
Сэхүүн бага насныхаа сүлд хийморийг сэргээхсэн

Сэрмүүн сайхан нутгийнхаа эхэнд нэг очихсон
Салхин гүйдэлт талынхаа уудмыг нэг бахдахсан
Сэргэлэн тунгалаг харзныхаа шүд янгинам уснаас
Сэтгэл дотроо зуртал дураар нэг уухсан

Уран байгалийн өнгө

Уулс хүглийн харанхуйлж
Үүлс сүглийн хөвөлзөж
Уудам тэнгэр хөхрөөд
Ухаан ягаан туяат
Улирах наран жаргахад

Ундрам цагаан гэгээт
Ургах саран гэрэлтэж
Уусмал хар цагаан өнгөөр
Уран байгаль хослоход
Угтаа сэтгэл сүрдмээр

Цаг цагтаа юмс сайхан

Цаг цагтаа юмс сайхан
Цалгиж явсан залуу нас сайхан
Цангаа тайлсан эхийн сүү сайхан
Цахилж тэмүүлсэн хайрын сэтгэл сайхан


Байр байрандаа юмс сайхан
Бялхаж явсан залуу нас сайхан
Бурууг сануулсан аавын сургаал сайхан
Бууриндаа үлдсэн нутгийн бараа сайхан


Амьд л явахад алдсан ч яахав

Амьд л явахад алдсан ч яахав
Амьсгалж л явахад адлуулсан ч яахав
Мэнд л явахад алдсан ч яахав
Мөрөөдөж л явахад мэнэрсэн ч яахав

Санаж л явахад алдсан ч яахав
Сарвайж л явахад саарсан ч яахав
Урагшилж л явахад унасан ч яахав
Ухаарч л явахад уруудсан ч яахав

Зогоож л явахад зовсон ч яахав
Зорьж л явахад зогссон ч яахав
Бодож л явахад буруудсан ч яахав
Бохирч л явахад мөлхсөн ч яахав

Болохгүй юмыг харин болно гээд тэмцэнэ
Болох юм харин болохгүй болбол эвлэрнэ
Унасан цэгээ харин уул шиг түшин босно