Холоос тодрон тодрох би нэгэн Цэг
Холдон холдон тасрах хүн нэгэн Цэг
Холбож муруйж тат сан амьдрал нэгэн Шулуун

Холоос гэрэлтэн гэрэлтэх би нэгэн Од
Хослон хослон ойртох чи нэгэн Од
Холбож зэрэглэж огтлолцсон бид нэгэн Тойрог

Хайраас урган ургах Үр нэгэн цэг
Хамжин дэмжин ургуулах бид нэгэн цэг
Холбож хэлхэж тогт сон үр нэгэн Гурвалжин

Хөрст дэлхийд цэглэх Монгол нэгэн Тойрог
Хүмүн заяаг зурах амьдрал нэгэн Тойрог
Холбож нийлж тогт сон бид нэгэн Олонлог

Цэг шулуун гурвалжин тойрог

Холбож цэгийг зурахаар
Шулуун шугам үүснэ
Хослоо хоёр шулуун
Холын цэгт огтлолцоно
Хүний амьдрал ч гэсэн
Нэгэн цэгт огтлолцоно

Холбоо гурван цэгээс
Гурвалжин дүрс үүснэ
Хязгааргүй тэлсэн гурвалжин
Тойрог болон сарнина
Хүний амьдрал ч гэсэн
Нэгэн тойрогт уулзана.

Тойрог хэдий том ч
Томруулсан цэг билээ
Хүмүн хэдий олон ч
Төлжсөн эс билээ

Хүн гэдэг өчүүхэн
Нэгэн цэг билээ
Эх орон гэдэг аугаа
Нэгэн олонлог билээ

Цэг хэдий томровч
Олонлогоос юунд холдоно
Тойрог хэдий алславч
Тойрог хэвээрээ үлдэнэ

Монгол минь олонлог
Монгол минь тойрог
Монгол олонлогоор овоглосон
Монгол хүн олонтой

Тоонон дугуй гэртэй
Тойрог дээд сэтгэхүйтэй
Шулуун зантай аавтай
Тойрог сэтгэлт ээжтэй
Бид нэгэн цэг

Нар хэдий том ч
Нэгэн од билээ
Одыг олоод харахаар
Нэгэн цэг билээ

Монгол хэдий бага ч
Нэгэн олонлог билээ
Олонлогийг олоод харахаар
Олон цэгүүдтэй билээ

Нарыг шүтнэ гэвээс
Одыг хэлнэ билээ
Одыг шүтнэ гэвээс
Цэгийг шүтнэ билээ

Монголоо шүтнэ гэвээс
Олонлогоо шүтнэ билээ
Олонлогоо шүтнэ гэвээс
Цэгээ хайрлана билээ

Хүн хүнээ хайрлая
Цэг бүрээ хайрлая
Цэггүй олонлог үгүй
Хүнгүй монгол үгүй

Аугаа их хүртэл
Өчүүхэн цэгээс эхэлнэ
Алсын сайхан хүртэл
Өчүүхэн хүнээс эхэлнэ.

Цэглэж төрсөн Монгол хүн
Цуглуулж бүтсэн Монгол орон
Цэг цэгээ холбохуй
Хүн хүнээ хайрлахуй

Амь минь цэг
Амьдрал минь шулуун
Ахуй минь гурвалжин
Амьсгалахуй минь тойрог
Амьдрахуй минь Монгол

Эх орон минь тойрог
Ээж аав минь олонлог
Огтолж өчнөөн нийлсэн
Олон олон олонлог

Онцолж бидний төрсон
Монгол нэртэй олонлог
Олноор нийлж бүтээсэн
Цэгэн жаахан Монголчууд

Ларамиэ 2009. 01. 17